اعتذار

أريد أشلع  جرح  مر من حروفك

قلي يا عذر يبرى مكانه

أريد ابعد عن أدموعي حنيني

أريد اصبر أوجاعي بأنيني

أريد أشلع جفن يسهر بعيني

قلي يا عذر يبرى مكانه

&&&

كذاب الجفن من راد يغمض

وكذاب القلب من قال يبغض

شسوي والحروف أبغض وأبغض

قلي يا عذر يبرى مكانه

&&&

أنا ساكن زمان الما رحمني

حلم ضايع وثاري ما رحمني

مطر حبك وثاري ما رحمني

قلي يا عذر يبرى مكانه

 &&&

افزع بالمسا وتهل دموع العين

وأهجر هاجسي برجعتك يا زين

بس تخطر ابالي ما تظل بي عين

قلي يا عذر يبرى مكانه

 &&&

تمنيتك حلم ما يفتر ابالي

تمنيتك ورد ما يترك أحوالي

تمنيتك وطن يعزف لي موالي

قلي يا عذر يبرى مكانه

&&&

لون الندم يكفي حيل راح أندم

وأصرخ يا لبعتني راح أظل اندم

بس اعرف ما أريد القلب يندم

قلي ياعذر يبرى مكانه

 &&&