ادروب الحزينة

ردت أكلك

لا ترافق حسرة المحزون

لا تشعل لهيبه

تحترق بأحزانه مره

ترخص أدموعك محنه

حسره ما تقدر شلعها

شعره تصبح أسف ما تقدر تسلها

والأمر من ياخذك

عشقه بمحله

هو مستوحش حبيبه

ويا هوى يقدر يقره

شح صنف ماعونه مره

وانت تعطي وكل بخت رجواك

انو يذكر أشموعك بدربه

خوفي إنك تنطفي وتسكن العبره

وتصبح المحزون إنت

ومن يداوي إسهام لو مرت بقلبك

&&&

لا انت منهم

لا ولدهم

لا ربيت بدار عزهم

لا عرفت لوعة

غربهم

منته منهم

هالكفن يمه جفنهم

ليش تتمنى تشيله

وليش لوعات الندامه

تكود قلبك بالثجيله