حداء

وقفت الدمعه بعيوني

من اجيت اتقلي  ناوي ع السفر

ولاني ملزومه اقلك بالسلامه

ولا ني في موعد سفر

يبست الكلمه بشفايفنا

ويبست الدمعه ابقصيده

&&&

أحس بروحي مرسومه

غيمه امتيهه قطرتها

أريد أهدأ وأصبر الروح

لا توصلك  ونتها

قطعني  العشق شوغات

وأحشم ضحكة عيونك

&&&

اتنطرت روحك تجيني

وتنشد الخطوه ابطريقي

اتنطرت دمعك يغرق

كل صحاري  البعد

وآنا شمامه ابطريقك

تزرعك ليل وسفر

تزرعك شتله ابجزيره

وقطره من دمعة مطر

&&&

حتى صوتك من يوادع

يرسم الضحكه وفنها

وبنتظارك غربت

روحي بحزنها

شتلة منزوعه

قهر دمي غصنها