عتب

ياللي طولت الهجر

خاف الهجر يحلى لك  اكثر

وانا في جمر انتظارك

ساهرة بجفني المحمر

يل على حبك زهر

أول فرح للقلب واستر

ويللي ذوبت الحزن

جنك مزن بالروح يكطر

غمكِّت لون المعاتب

جن كل قطرة محبر

وانت تاخذ من حلاة الفرح

وتحوله الي مر

يالكطعت الماي من روحك

تظن تيبس وتكسر

يالطويت القلب عني

تحسب إن قلبي يتصحر

اشلون يا خلي قدرت

تيبسه ماي النهر

وانت من بوسة لشفاتك

لينت حتى القهر

قول واكثر عتب مني

و بيع خشبك للجمر

وآنا صبري عليك

يورثني صبر

نخله بارضك ياحبيبي

نبتت غصون وجذر

تدري ان الهجر

ما يقطع جذعها وينكسر

تدري من تميل تسندها

يبو طبع النهر