دارميات

طبع الزمن غدار مايعرف الحد

ليش أصرخ بلولوال جا ميت أحد

 &&&

تنتحب تبغي تريد ترجع لخوتك

ليش اليموت يعيش لو بح صوتك

 &&&

حنظل ياخلي جفاك زايد علي مر

سكر رششت عليه زاد الطعم مر

 &&&

ورد جوري عصرني الدهر عصره

حكم بيه الخسيس وزاد قهره

 &&&

بختي قصر وياي من جيت اطلبك

جن طلبتي بتابوت ما يدل دربك

 &&&

كسرة حزن يصويحبي منسوجه ابضلوعي

شاليش تبغي الوقت يمسح لي دموعي

 &&&

شمات أهلي اصبحوا من سمعوا النوحي

وانت الغريب أصبحت أمطيب أجروحي

 &&&

بختي قصر وياي جيت اشتكي الحال

غربه تداوي جروح والولف جتال

 &&&

ليش الغريب يعيش بجنب نخله

وآنا اصبح بالشموس من غير ظله