عشتار الصغيرة

انطيتنى خيمة سفر

وانطيتنى آهة وتر

و وشيت بى رمل البحر

كَلت انت عشتار ابحياتي

تورّدي أدروب المدينه

وتوصلي دجله أبوريدي

أوتحذفي همي أو تزيدي

كل مصايب هالعراقي

ترف يا عشتار حبش

ترف أنطق لحن قلبش

آنا بدروبش مسافر

والسفر غيمه أو تعدّي

وتبقي حلوة ابروحي انت

بكل وميض الشوق في صوت العراقي

انت في صوت المسافر

آهه من ناظم على شاطي الفرات

يالحبيبة ما مشت خطوات ليلي

للأسف مره ابطريقش

ما عزف ليلي الطويل

ابنغم عشتار الصغيرة